काठमाडौं, ७ बैशाख
    गोकर्णेश्वर नगरपालिका–५ स्थित श्रीराम पौडेलको घरमा अवैध रुपमा भीओआइपी संचालन गरिरहेको अवस्थामा बारा निजगढ नगरपालिका–५ सडकटोलकी २४ वर्षीया अनुपा खतिवडालाई विभिन्न उपकरणसहित केन्द्रीय अनुसन्धान व्यूरोबाट खटिएको टोलीले बुधबार पक्राउ गरेको छ ।

    उक्त ठाउँबाट ६४ पोर्टको जिएसएम गेटवए डीभाइस १ थान, टिपी लिंकको राउटर १ थान, एचपी कम्पनीको ल्यापटप १ थान, कलर्स मोबाईल १ थान, ८ जिबीको पेनड्राइभ १ थान र सोनी एक्सपेरा मोवाइल १ थान बरामद भएको छ ।

    पक्राउ परेकी खतिवडा उपर दूर संचार ऐन, २०५३ अन्तर्गत जिल्ला अदालत काठमाडौंबाट ५ दिन म्याद लिई अनुसन्धान कार्य भइरहेको छ ।

Src ; Nepal Police.